Fýtboldan Qazaqstan kýbogynyń jerebesi qashan tartylady
ASTANA. KAZINFORM - Fýtboldan Qazaqstan kýbogynyń jerebe tartý rásimi 27 aqpanda ótetini belgili boldy.
Tikeleı efır saǵat 15:00-de «Qazsport» telearnasynda bastalady.
Bıyl týrnır 1/16 fınal kezeńinen bastaý alady. Ereksheligi oǵan áýesqoı lıganyń eki jeńimpazy qatysa alady.
2025 jylǵy Qazaqstan Kýbogynyń ıegeri «Tobyl» jarysty 1/8 fınaldan bastaıdy.
Qazaqstan kýbogy 1992 jyldan beri turaqty túrde ótkizilip keledi. Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) - 10, «Jeńis» (Astana), «Astana», «Tobyl» (Qostanaı) - 3, «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy),«Vostok» (Óskemen), «Almaty», «Dostyq» (Almaty), «Spartak» (Semeı) - 1 márteden jeńimpaz atandy.
Aıta ketsek, budan buryn fýtboldan Qazaqstan Premer-lıgasy 2026 jylǵy maýsymynyń oıyn kúntizbesi tolyq belgili boldy.
Premer-lıga bıylǵy maýsymynyń alǵashqy týrynda 7 naýryzda «Aqtóbe» - «Tobyl» (Qostanaı), «Altaı» (Óskemen) - «Qaırat» (Almaty), «Oqjetpes» (Kókshetaý) - «Elimaı» (Semeı), «Ordabasy» (Shymkent) - «Ertis» (Pavlodar), 8 naýryzda «Astana» - «Jetisý» (Taldyqorǵan), «Atyraý» - «Ulytaý» (Jezqazǵan), «Qaısar» (Qyzylorda) - «Jeńis» (Astana), «Qyzyljar» (Petropavl) - «Kaspıı» (Aqtaý) oınaıdy.
