Fýtboldan Qazaqstan kýbogynyń jartylaı fınalyna shyqqan komandalar anyqtaldy

ASTANA. KAZINFORM - Fýtboldan Qazaqstan kýbogy jartylaı fınalyna shyqqan barlyq komanda anyqtaldy. 

Shırek fınaldaǵy alǵashqy eki oıynda «Atyraý» men «Tobyl» jeńiske jetip, jarysty jalǵastyrýǵa múmkindik aldy. Atyraýlyq komanda «Qaıratty» 3:1 tize búktirse, «Tobyl» «Astanadan» 1:0 esebien basym tústi. 

Taǵy eki kezdesýde «Ordabasy» men «Aqtóbe», «Elimaı» men «Qyzyljar» synǵa tústi.

El birinshiliginde kósh basynda júrgen «Ordabasy» men «Aqtóbe» kezdesýi óte tartysty kezdesti. Oıynnyń negizgi kezeńinde esep ashylǵan joq.

Overtaımnyń alǵashqy mınýtynda «Ordabasy» sapynan Evgenıı Makarenko óz komandasyn alǵa shyǵardy. Oǵan aqtóbelik klýbtan Dornı Romero 105, Jaıro Jan 117-mınýttarda eki golmen jaýap qaıyrdy. Osylaısha «Aqtóbe» qarsylasyn 2:1 esebimen jeńip, jartylaı fınalǵa joldama aldy. 

Taǵy bir kezdesýde «Elimaı» óz alańynda «Qyzyljardan» 1:0 esebimen basym tústi. 

Endi jartylaı fınalda 29 mamyr men 19 maýsymda «Tobyl» men «Atyraý», «Elimaı» men «Aqtóbe» kezdesedi. Fınal 29 qyrkúıekke belgilengen.

Búginge deıin «Qaırat» 9 márte kýbokty tóbesine kóterdi. Al, «Jeńis» (Astana) men «Astana» - 3, «Qaısar» (Qyzylorda) men «Ordabasy» (Shymkent) - 2, «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Aqtóbe», «Almaty», «Tobyl» (Qostanaı), «Dostyq» (Almaty), «Elimaı» (Semeı) - 1 márteden kýbok ıegeri atandy.