Fýtboldan Qazaqstan kýbogynyń jartylaı fınaly qashan ótedi
ASTANA. KAZINFORM - Fýtboldan Qazaqstan kýbogy jartylaı fınalynyń qashan ótetini belgili boldy.
Bul kezeńde komandalar eki oıynnan turatyn tartysty básekede fınalǵa joldamany sarapqa salady. Alǵashqy kezdesý 11 maýsymǵa belgilense, qarymta match 24 maýsymda ótkiziledi.
Jartylaı fınalda «Qaısar» (Qyzylorda) - «Jeńis» (Astana), «Ordabasy» (Shymkent) - «Altaı» (Óskemen) komandalary kezdesedi.
Qazaqstan kýbogy 1992 jyldan beri turaqty túrde ótkizilip keledi.
Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) - 10, «Jeńis» (Astana), «Astana», «Tobyl» (Qostanaı) - 3, «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) 1 márteden jeńimpaz atandy.
Ótken jyly Qyzylordada «Qaısar-arenada» qostanaılyq «Tobyl» Qazaqstan kýbogynyń ıegeri atandy. Olar fınalda shymkenttik «Ordabasyny» 2:0 esebimen tize búktirdi.
