Fýtboldan Qazaqstan kýbogynyń shırek fınal oıyndary ótedi

ASTANA. KAZINFORM - 14 mamyrda fýtboldan Qazaqstan kýbogynyń shırek fınal oıyndary ótedi. 

Jarystyń atalǵan satysynda 18:00-de «Jeńis» (Astana) pen «Astana», «Turan» (Túrkistan) men «Tobyl» (Qostanaı), 20:00-de «Ordabasy» (Shymkent) men «Qaırat» (Almaty), «Qyzyljar» (Petropavl) men «Elimaı» (Semeı) komandalary kezdesedi.

Bıyl Qazaqstan kýbogyna Premer-lıga, birinshi jáne ekinshi lıgadan barlyǵy 30 komanda qatysty. Aldymen birinshi jáne ekinshi lıga komandalary alǵashqy irikteý kezeńin ótkizdi.

Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy.

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.

Aıta ketesek, 2024 jyly «Aqtóbe» Qazaqstan kýbogynyń ıegeri atandy.

Fınal bıyl Qyzylordanyń jańa stadıonynda ótkiziledi dep josparlanyp otyr.