Fýtboldan Qazaqstan kýbogynyń 1/8 fınalyna shyqqan komandalar anyqtaldy

ASTANA. KAZINFORM — Fýtboldan Qazaqstan kýbogynyń 1/8 fınalyna qatysatyn barlyq komanda anyqtaldy. Jarystyń birinshi kezeńinen «Ońtústik akademııasy», «Taraz» jáne SD Family (Astana) komandalary joldama aldy.

Qazaqstan kýbogynyń 1/8 fınalyndaǵy oıyndar 13 jáne 14 sáýir kúnderi ótedi. Jarystyń atalǵan satysynda Premer-lıganyń 13 klýbymen birge birinshi kezeńde úzdik shyqqan úsh komanda baq synaıdy.

«Ońtústik akademııasy» Petropavldyń «Qyzyljar», «Taraz» Shymkenttiń «Ordabasy», SD Family «Atyraý» komandasymen sheberlik baıqasady.

Sondaı-aq, jarystyń atalǵan satysynda «Qaısar» (Qyzylorda) men «Tobyl» (Qostanaı), astanalyq «Jeńis» pen «Astana», «Qaırat» (Almaty) men «Turan» (Túrkistan), «Elimaı» (Semeı) men «Shahter» (Qaraǵandy), «Aqtóbe» men «Jetisý» (Taldyqorǵan) klýbtary jasyl alańǵa shyǵady.

Aıta ketsek, 1/8 fınalda árbir juptaǵy jeńimpaz bir oıyn arqyly anyqtalady. Kezdesý jerebede birinshi kórsetilgen klýbtardyń alańdarynda uıymdastyrylady.