Fýtboldan Qazaqstan kýbogynyń 1/8 fınaly qaı kúnderi ótedi

ASTANA. KAZINFORM — Fýtboldan Qazaqstan kýbogynyń 1/8 fınalynyń oıyndary qaı kúnderi ótetini belgili boldy.

Bıyl týrnır 1/16 fınal kezeńinen bastaý aldy. Ereksheligi oǵan áýesqoı lıganyń eki jeńimpazy qatysty. Jeńimpaz bir oıynnyń nátıjesimen anyqtaldy. 

Mundaı múmkindikke «Qaısar» (Qyzylorda), «Tobyl» (Qostanaı), «Atyraý», «Ordabasy» (Shymkent), «Qaırat» (Almaty), «Astana», «Elimaı» (Semeı), «Jetisý» (Taldyqorǵan), «Ertis» (Pavlodar), «Jeńis» (Astana), «Altaı» (Óskemen), «Aqtóbe», «Ulytaý» (Jezqazǵan), «Oqjetpes» (Kókshetaý), «Kaspıı» (Aqtaý), «Qyzyljar» (Petropavl) komandalary ıe boldy.

Endi 1/8 fınal 29-30 sáýir kúnderi ótkiziledi.

29 sáýir (sársenbi)

14:00. «Oqjetpes» — «Jeńis»
15:00. «Ertis» — «Qyzyljar»
16:00. «Atyraý» — «Jetisý»
18:00. «Astana» — «Tobyl»
20:00. «Qaısar» — «Kaırat»

30 sáýir (beısenbi)

15:00. «Altaı» — «Ulytaý»
18:00. «Ordabasy» — «Kaspıı»
20:00. «Aqtóbe» — «Elimaı».

Qazaqstan kýbogy 1992 jyldan beri turaqty túrde ótkizilip keledi. Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) — 10, «Jeńis» (Astana), «Astana», «Tobyl» (Qostanaı) — 3, «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) — 1 márteden jeńimpaz atandy.