Fýtboldan Qazaqstan kýbogynda «Tobyl» men «Aqtóbe» jeńiske jetti

ASTANA. KAZINFORM — Búgin fýtboldan Qazaqstan kýbogy jartylaı fınaldyń alǵashqy oıyndary ótkizildi.

Alǵashqy kezdesý «Tobyl» men «Atyraý» jasyl alańǵa shyqty.

Oıyn barysynda qostanaılyq klýb tizgindi óz qolynda ustaýǵa tyrysty. Nátıjesinde olardyń qatarynan Ahmed El-Messaýdı 40-mınýtta esep ashsa, 85-mınýtta Jasulan Jumashev esepti ústemeleı tústi.

Osylaısha «Tobyl» qarsylasyn 2:0 esebimen súrindirdi.

Dál osyndaı eseppen «Aqtóbe» óz alańynda «Elimaıdy» jeńdi. 

Kezdesý barysynda aqtóbelik klýb birinshi kezeńde eki gol soǵyp ketti. Ony Dornı Romero 25,

Maksım Samorodov 33-mınýtta ózderiniń enshisine jazdy. 

Jartylaı fınaldyń qarymta oıyndary 19 maýsymda ótkiziledi. Fınal 29 qyrkúıekke belgilengen.

Búginge deıin «Qaırat» 9 márte kýbokty tóbesine kóterdi.

Al, «Jeńis» (Astana) men «Astana» — 3, «Qaısar» (Qyzylorda) men «Ordabasy» (Shymkent) — 2, «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Aqtóbe», «Almaty», «Tobyl» (Qostanaı), «Dostyq» (Almaty), «Elimaı» (Semeı) — 1 márteden kýbok ıegeri atandy.