Fýtboldan Qazaqstan kýbogynda shveıtsarııalyq tóreshiler qyzmet atqarady

QYZYLORDA. KAZINFORM — Fýtboldan Qazaqstan kýbogy fınalyndaǵy «Ordabasy» (Shymkent) men «Tobyl» (Qostanaı) kezdesýinde shveıtsarııalyq tóreshiler qyzmet atqarady.

Bul kezdesý 4 qazanda 19:00–de Qyzylorda qalasyndaǵy «Qaısar Arena» stadıonynda bastalyp, «Qazsport» telearnasynan tikeleı efırde kórsetiledi.

Oıynnyń bas tóreshisi mindeti shveıtsarııalyq Sven Volfensbergerge júktelgen. Oǵan otandastary Stefan De Almeıda men Ionas Ernı kómektesedi. VAR tóreshisi den sol eldiń ókili Iohannes fon Mandah.

Al AVAR tóreshisi mindetin astanalyq Arman Esmuratov atqarsa, qosalqy tóreshi: kóshetaýlyq Danıl Gorda bolady.

Aıta ketsek, Qyzylorda qalasynda jańadan boı kótergen «Qaısar-arena» stadıony UEFA-nyń eń joǵary 4-shi sanatty sertıfıkatyna ıe boldy.

Bul jóninde Qazaqstan fýtbol federatsııasy kásibı klýbtar arasyndaǵy jarystar ótkizý dırektsııasynyń basshysy Baqytjan Pazylhaıyr Qazaqstan kýbogyn tanystyrý rásiminde jýrnalısterge aıtyp berdi.

UEFA mamandary stadıondy sretıfıkattaý baǵytynda tıisti jumystar júrgizdi. Nátıjesinde ony eń joǵarǵy 4-shi sanatty sertıfıkatyna laıyqty dep tanydy.