Fýtboldan Qazaqstan kýbogynda pleı-offqa shyqqan komandalar anyqtaldy

ASTANA. KAZINFORM - Fýtboldan Qazaqstan kýbogynda pleı-offqa shyqqan 6 klýb anyqtaldy. El kýbogy bıyl 32-shi márte uıymdastyrylyp otyr. 

Bastapqy kezeńde birinshi jáne ekinshi lıganyń 19 klýby synǵa tústi. Nátıjesinde pleı-off kezeńine «Ertis», «Ońtústik», «Taraz», «Jas Qyran», «Jetisaı», SD Family komandalary ótti.

Endi 6 klýb 1/8 fınaldyń 3 joldamasy úshin 21-23 naýryz kúnderi bir oıyn arqyly jeńimpazdy anyqtaıdy. A-V, S-D, E-F toptarynyń jeńimpaz atanǵan klýbtary ekinshi kezeńge beriletin úsh joldamany sarapqa salady.

Ekinshi kezeńde Premer-lıganyń 13 komandasy men aldyn ala irikteý kezeńinde úzdik shyqqan 3 ujym ózara jup quraıdy.

Qazaqstan kýbogynyń 1/8 fınaly 13-14 sáýirde bolsa, 8 mamyrda 1/4 fınal bolady.

Al 1/2 fınal 29 mamyr men 19 maýsymda ótkizilse, fınal 29 qyrkúıekke belgilengen.