Fýtboldan Qazaqstan kýbogynda «Qaırat» pen «Astana» jarysty jalǵastyrady

ASTANA. KAZINFORM - Fýtboldan Qazaqstan kýbogy shırek fınalyna taǵy eki joldamaǵa almatylyq «Qaırat» pen elordalyq «Astana» ıe boldy.

Búgin elimizde Qazaqstan kýbogy 1/8 fınalynyń oıyndary bastaldy. Ázirge shırek fınalǵa shyqqan tórt komanda anyqtaldy.

«Astana» syrt alańda astanalyq «Jeńis» komandasymen kezdesti. Oıyn taǵdyryn 5-mınýtta soqqan jalǵyz gol sheshti. Áriptesi Faben Ýrega bergen pasty «Astana» shabýylshysy Ramazan Kárimov golǵa aınaldyrdy.

Osylaısha «Astana» qarsylasynan 1:0 esebimen basym, shırek fınal joldamasyn qaltaǵa basty.

bir kzedesýde almatylyq «Qaırat» óz alańynda Túrkistannyń «Turanyn» qabyldady.
Oıynnyń 29-mınýtynda Elder Santana almatylyq klýbty alǵa shyǵarsa, áriptesteri Lýka Gadranı 40, Erkebulan Seıdahmet 92-mınýtma esepti ústemeleı tústi.

Qarsylasyn 3:0 esebimen tize búktirgen «Qaırat» jarysty jalǵastyrýǵa múmkindik aldy.
Endi 14 sáýirde 14:00-de «Taraz» ben «Ordabasy» (Shymkent), «Ońtústik akademııa» (Shymkent) men «Qyzyljar» (Petropavl), 16:00-de «Elimaı» (Semeı) men «Shahter» (Qaraǵandy), «Aqtóbe» men «Jetisý» (Taldyqorǵan) oınaıdy.

Odan keıin 8 mamyrda 1/4 fınal bolsa, 1/2 fınal 29 mamyr men 19 maýsymda ótkiziledi. Fınal 29 qyrkúıekke belgilengen.