Fýtboldan Qazaqstan kýbogy jartylaı fınalyna kimder shyqty
ASTANA. KAZINFORM — Fýtboldan Qazaqstan kýbogynyń jartylaı fınalyna shyqqan komandalar belgili boldy.
Bir kezdesýdiń nátıjesimen jeńimpaz komandalar jarystyń kelesi satysyna joldama aldy. Mundaı múmkindikke «Altaı», «Jeńis», «Ordabasy» men «Qaısar» ıe boldy.
Oıyndar nátıjesi
«Aqtóbe» — «Altaı» 1:1, penaltıden 3:4
«Jeńis» — «Qyzyljar» 2:0
«Ordabasy» — «Jetisý» 1:0
«Qaısar» — «Tobyl» 1:1, penaltıden 5:4.
Endi jartylaı fınalda «Ordabasy» — «Altaı», «Qaısar» — «Jeńis» fınal joldamasyn sarapqa salady.
Bul kezeńde jeńimpaz komanda eki oıynnyń nátıjesimen anyqtalady.
Qazaqstan kýbogynda basty favorıt retinde belgilengen «Astana», «Qaırat» (Almaty), «Elimaı» (Semeı) komandalary jarys jolyn 1/8 fınalda aıaqtady. Endigi kezekte oǵan «Ordabasy», «Aqtóbe», «Tobyl» komandalarynyń múmkindigi artyp tur.
Qazaqstan kýbogy 1992 jyldan beri turaqty túrde ótkizilip keledi.
Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) — 10, «Jeńis» (Astana), «Astana», «Tobyl» (Qostanaı) — 3, «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) 1 márteden jeńimpaz atandy.
