Fýtboldan Qazaqstan kýbogy bıyl Qyzylordada ótedi

ASTANA. KAZINFORM - Fýtboldan Qazaqstan kýbogynyń fınaly bıyl Qyzylordanyń jańa stadıonynda ótedi.

Bul jóninde Qazaqstan fýtbol federatsııasynyń keńesshisi Nursultan Qurman áleýmettik jelidegi paraqshasynda málim etti.

Qazirge deıin atalǵan týrnırdiń 1/4 fınaldyq kezeńine jetken komandalar anyqtaldy. Endi 14 mamyrda «Jeńis» (Astana) pen «Astana», «Turan» (Túrkistan) men «Tobyl» (Qostanaı), «Ordabasy» (Shymkent) men «Qaırat» (Almaty), «Qyzyljar» (Petropavl) men «Elimaı» (Semeı) komandalary kezdesedi.

Bıyl Qazaqstan kýbogyna Premer-lıga, birinshi jáne ekinshi lıgadan barlyǵy 30 komanda qatysty. Aldymen birinshi jáne ekinshi lıga komandalary alǵashqy irikteý kezeńin ótkizdi. Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy.

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.

Aıta ketesek, 2024 jyly «Aqtóbe» Qazaqstan kýbogynyń ıegeri atandy.