Fýtboldan Qazaqstan kýbogy 1/8 fınalynda kimder synǵa túsedi

ASTANA. KAZINFORM —  Búgin fýtboldan Qazaqstan kýbogynyń 1/8 fınalynyń oıyndary bastalady. 

Oıyndar 29 jáne 30 sáýir kúnderi ótkiziledi. Aldymen 29 sáýirde bes oıyn bolsa, qalǵany úsheýi 30 sáýirge josparlanǵan.

Bıyl týrnır 1/16 fınal kezeńinen bastaý aldy. Ereksheligi oǵan áýesqoı lıganyń eki jeńimpazy qatysty. Jeńimpaz bir oıynnyń nátıjesimen anyqtaldy.

Endi 1/8 fınalda «Qaısar» (Qyzylorda), «Tobyl» (Qostanaı), «Atyraý», «Ordabasy» (Shymkent), «Qaırat» (Almaty), «Astana», «Elimaı» (Semeı), «Jetisý» (Taldyqorǵan), «Ertis» (Pavlodar), «Jeńis» (Astana), «Altaı» (Óskemen), «Aqtóbe», «Ulytaý» (Jezqazǵan), «Oqjetpes» (Kókshetaý), «Kaspıı» (Aqtaý), «Qyzyljar» (Petropavl) synǵa túsedi.

29 sáýir (sársenbi)

14:00. «Oqjetpes» — «Jeńis»
15:00. «Ertis» — «Qyzyljar»
16:00. «Atyraý» — «Jetisý»
18:00. «Astana» — «Tobyl»
20:00. «Qaısar» — «Kaırat»
30 sáýir (beısenbi)
15:00. «Altaı» — «Ulytaý»
18:00. «Ordabasy» — «Kaspıı»
20:00. «Aqtóbe» — «Elimaı».

Qazaqstan kýbogy 1992 jyldan beri turaqty túrde ótkizilip keledi. Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) — 10, «Jeńis» (Astana), «Astana», «Tobyl» (Qostanaı) — 3, «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) — 1 márteden jeńimpaz atandy.