Fýtboldan Qazaqstan kýbogy 1/8 fınalyna qatysatyn komandalar anyqtaldy

ASTANA. KAZINFORM — Fýtboldan Qazaqstan kýbogy irikteý kezeńi arqyly 1/8 fınalyna shyqqan eki komanda anyqtaldy.

Қызылжар футбол клубы
Фото: Қызылжар футбол клубы

Búgin, 23 naýryzda aqtaýlyq «Kaspıı» men pavlodarlyq «Ertis» kezdesti. Bul oıynda aqtaýlyq komandadan Mıras Turlybek 6, Baqdáýlet Kóńlimqos 42, 63-mınýtta mergendik tanytty.

Osylaısha qarsylasyn 3:0 esebimen tize búktirgen «Kaspıı» 1/8 fınalǵa joldama aldy. 

Al 22 naýryzda almatylyq «Han táńiri» Pavlodar oblysynyń «Ekibastuzyn» 2:1 esebimen jeńgen osyndaı múmkindikke ıe boldy.

Endi 1/8 fınalda 12 sáýirde «Qyzyljar» (Petropavl) men «Qaısar» (Qyzylorda), «Ulytaý» (Jezqazǵan) men «Elimaı» (Semeı), «Han táńiri» (Almaty) men «Ordabasy» (Shymkent), «Qaırat» (Almaty) pen «Kaspıı» (Aqtaý) komandalary jasyl alańǵa shyǵady. 

Sondaı-aq 13 sáýirde «Turan» (Túrkistan) men «Atyraý», «Tobyl» (Qostanaı) men «Jetisý» (Taldyqorǵan), «Jeńis» (Astana) men «Aqtóbe», «Oqjetpes» pen «Astana» sheberlik baıqasady.

Eske salsaq, budan buryn fýtboldan 2026 jylǵy álem chempıonatynyń irikteý týrnırinde Qazaqstan quramasy Ýelske ese jiberdi.

Сейчас читают