Fýtboldan Qazaqstan-Germanııa matchy: 3 myńǵa jýyq fanat tegin bıletter aldy
ASTANA. 22 naýryz. QazAqparat - Fýtboldan jankúıerlerdi bir ıdeıaǵa jumyldyrý, jastardyń boıyna otansúıgishtik qasıetti sińirý jáne jastardyń basyn bir arnaǵa qosý maqsatynda «Halyqtyq qoldaý» atty aktsııa uıymdastyrylady.
Sonymen, fýtboldan habary bar jankúıerler taqymyn qysyp, alaqanyn ysqylap otyrǵan Qazaqstan-Germanııa arasyndaǵy saıysqa Qazaqstandyq fan-klýbtar men jastar erekshe daıyndyq ústinde.
«Halyqtyq jankúıer qozǵalysyn» uıymdastyrýshy Astana jastarynyń bastamashyl toby Qazaqstan fýtbol federatsııasynyń (QFF) basshylyǵymen kezdesip, kókeıdegi oılaryn ortaǵa saldy. Eki jaqty kezdesý barysynda fýtbol dodasyna jankúıerlerdi tartýdaǵy jumysty kúsheıtý týraly bastama kóterildi. Osy oraıda, atalmysh ıdeıalardy qoldaǵan QFF jankúıerlerge tolyq bir trıbýnadan 3 myńǵa tarta tegin bıletter berý týraly naqty usynyspen shyqty.
Óz kezeginde Astanalyq fan-klýbtar jastardy fanattyq qoldaý bildirýdiń qyr-syryn úıretý úshin 16, 19 jáne 21 naýryz kúnderinde daıyndyq ótkizýge tilek bildirdi. «Legıon» fan kozǵalysy ótkizgen atalǵan daıyndyqtarǵa elordadaǵy EUÝ-nyń «Jastar» jastar saıasaty ortalyǵynan, S.Seıfýllın atyndaǵy QazATÝ-dyń, sondaı-aq basqa da ń qalalardan 700-den astam jastar kelip qatysty.
Atap aıtqanda, 22 naýryz kúni fýtboldan Qazaqstan - Germanııa komandalary arasynda ótetin dodaǵy arnaıy daıyndyqtan ótken 1 myńǵa jýyq fanat qatysady dep kútilýde. Al, jalpy «Halyqtyq qoldaý» aktsııasyna 3 myńǵa tarta jas qatysyp, óz qoldaýlaryn bildiredi.
