Fýtboldan Qazaqstan chempıonatynyń úzdik qorǵaýshysy anyqtaldy
NUR-SULTAN.QazAqparat – Qazaqstannyń kásipqoı fýtbol lıgasy ótken maýsymdy qorytyndylap, úzdik sportshylardy marapattady, dep habarlaıdy QazAqparat.
Jyldyń úzdik fýtbolshylary, sport klýbtarynyń jetekshileri, bas bapkerleri, sonymen qatar komanda kapıtandarynyń daýys berý nátıjeleri boıynsha anyqtaldy. Osy Premer-lıganyń úzdik qorǵaýshysynyń esimi belgili boldy.
«Respondentterdiń nazaryna úzdik bes úmitkerden turatyn tizim usynyldy. Ár respondent úsh úmitkerdi ataıdy. Birinshi oryn – úsh upaı, ekinshi oryn–- eki upaı, úshinshi – bir upaı. Barlyq upaıdy sanaý arqyly saýalnama qorytyndylanady.
«OLIMPBET-fýtboldan Qazaqstan Chempıonatynyń eń úzdik qorǵaýshysy» nomınatsııasynda almatylyq «Qaırattyń» oıynshysy Ǵafýrjan Súıimbaev birinshi orynǵa ıe boldy», delingen lıganyń baspasóz habarlamasynda.
Sonymen el birinshiligindegi úzdik qorǵaýshylardyń reıtıngi tómendegideı:
1. Ǵafýrjan Súıimbaev («Qaırat») – 74 upaı;
2. Nuraly Álip («Qaırat») – 56 upaı;
3. Sergeı Malyı («Tobyl») – 30 upaı;
4. Rade Dýgalıch («Qaırat») – 21 upaı;
5. Іlııas Ámirseıtov («Qaısar») – 17 upaı.
