Fýtboldan Qazaqstan chempıonatynyń qola júldegeri anyqtaldy
QOSTANAI. QazAqparat - Qazaqstan chempıonatynyń kezekti týrynda Qostanaıdyń «Tobyly» óz alańynda elordalyqtardy qabyldady, dep habarlaıdy QazAqparat.
Alań ıeleri matchty jyldam qarqynda bastady. Alǵashqy on mınýt ishinde Azat Nurǵalıev pen Baýyrjan Turysbek qarsylas qaqpashysyn iske qosty. Astanalyqtar da jaýapsyz qalmady. Roman Murtazaev pen Vladıslav Prokopenko soqqy jasady. Eki sátte de «Tobyl» qaqpashysy Sultan Býsýrmanov sheberlik tanytty.
Ekinshi taım basynda alań ıeleri qos qaptaldyń basymdyǵyn jıi paıdalandy. Ásirese, Maksım Fedın men Dmıtrıı Mıroshnıchenkonyń belsendiligin ataı ketken jón. Jyldam shabýyldar jemisin berdi. «Tobyldyń júırigi» Maksım Fedın óz qaptalynan sýyrylyp shyǵyp, Azat Nurǵalıevke pas berdi. Tájirıbeli kapıtan qatelespedi. 1:0!
«Astana» oıynshylary qansha tyrysqandarymen qostanaılyqtardyń qorǵanysyn buza almady.
Sonymen, «Tobyl» fýtboldan Qazaqstan chempıonatynyń qola júldegeri atandy.
«Qostanaı jurty bul jeńisti kóp kútti. Chempıonat aıaqtalmaı jatyp úshinshi orynǵa qol jetkizdik. Klýb basshylyǵynyń maǵan qoıǵan tapsyrmasy osy edi», - dedi qostanaılyq komandanyń bas bapkeri Marek Zýb oıyndy qorytyndylap.
Foto/fctobol.kz
