Fýtboldan Qazaqstan chempıonatynda «Tobyl» men «Qaırat» teń oınady
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiligi altynshy týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Bul kúngi basty kezdesý Qostanaıda «Tobyl» men Almatynyń «Qaıraty» arasynda ótti.
Match barysynda qarqyndy oıyn órbidi. Kósh basynda qatar kele jatqan qos klýb terezesi teń deńgeıde sheberlik kórsetti.
Esepti 6-mınýtta almatylyq komandadan Hose Kante ashsa, oǵan qostanaılyq qorǵaýshy Sergeı Malyı 45-mınýtta bir golmen jaýap qaıyrdy.
Ekinshi kezeńde «Tobyl» shabýylshysy Zoran Toshıch 72-mınýtta komandasyn alǵa shyǵardy. Oıynnyń sońǵy mınýtynda onyń áriptesi Vladıslav Vasılev óziniń qaqpasyna gol soǵyp aldy.
Osylaısha komandalar 2:2 esebine qanaǵat bildirdi.
Buǵan deıin habarlaǵanymyzdaı, búgin elordalyq «Astana» syrt alańda Oraldyń «Aqjaıyǵyna» 0:1 esebimen jol berdi.
Aqtaýda jergilikti «Kaspıı» «Atyraýdy» 2:1 esebimen tize búktirse, Túrkistanda «Turan» men Shymkenttiń «Ordabasy» klýby 0:0 esebimen teń tústi.
Atalǵan týrdaǵy eki oıyn erteń, 17 sáýirde ótkiziledi. Bul kúni «Maqtaral» (Túrkistan oblysy) men «Aqsý» (Pavlodar oblysy), «Taraz» ben «Shahter» (Qaraǵandy) komandalary sheberlik baıqasady.
