Fýtboldan Qazaqstan chempıonatynda «Shahter» «Tarazdy» tize búktirdi
NUR-SULTAN. QazAqparat – Fýtboldan Qazaqstan chempıonatynyń 18-týrynda Qaraǵandynyń «Shahteri» óz alańynda «Tarazdy» qabyldady, dep habarlaıdy QazAqparat tilshisi.
«Taraz» ben «Shahter» sáıkesinshe 25 jáne 24 upaımen týrnır kestesinde 6-7-orynda quıryq tistesip kele jatqan edi.
Birinshi taımnyń 16-mınýtynda «Shahter» sapyndaǵy bosnııalyq Edın Rýstemovıchtiń baǵyttaǵan dobynan keıin «Tarazdyń» qorǵaýshysy Nurlan Daıyrov baspen óz qaqpasyna gol soǵyp aldy.
Tarazdyqtardyń esepti teńestiretindeı múmkindikteri boldy. Bolgarııalyq Mılen Gamakovtyń alystan tepken doby qaqpa mańdaıshasynan keri qaıtty. Alaıda, esep ekinshi kezeńde de ózgergen joq.
Osylaısha, 1:0 esebimen qarsylasyn tize búktirip, 27 upaı jınaǵan qaraǵandylyqtar týrnır kestesinde tórtinshi satyǵa kóterildi.
Búgin el birinshiliginde taǵy da birneshe oıyn ótedi.
Eske sala keteıik, budan buryn Qazaqstan kýboginiń jartylaı fınalyna shyqqan ekinshi komanda anyqtalǵanyn jazǵan bolatynbyz.
Sondaı-aq, «Turan» fýtbol klýbynyń bas bapkeri qyzmetinen ketti.
