Fýtboldan Qazaqstan chempıonatynda «Maqtaaral» «Aqjaıyqty» jeńdi
ASTANA. QazAqparat - Fýtboldan Qazaqstan chempıonatynyń 22-týry Túrkistanda «Maqtaaral» - «Aqjaıyq» matchymen máresine jetti, dep habarlaıdy QazAqparat tilshisi.
Osyǵan deıin oraldyqtar 22, «Maqtaaral» 18 upaımen sońǵy, 13-14-oryndarda turǵan-dy. ıAǵnı qos komanda qalǵan oıyndaryn nátıjeli ótkizbese, premer-lıgamen qoshtasady degen sóz.
Bul kezdesýde 6-mınýtta alań ıelerinen shabýylshy Ramazan Kárimov esep ashty.
Budan keıin komandalar qansha tyrysqanymen, ózgeris bolǵan joq.
Osylaısha, «Maqtaaral» 21 upaı jınap, oraldyqtarǵa jaqyndaı tústi. Sondaı-aq qaýipti aımaqtan «Qyzyljar», «Turan», «Taraz» klýbtary da alystaı qoıǵan joq.
Kelesi týr oıyndary 14-15 qazanda ótedi.
Eske sala keteıik, budan buryn fýtboldan Qazaqstan chempıonatynda «Aqjaıyq» pen «Turannyń» teń oınaǵanyn jazǵan bolatynbyz.
