Fýtboldan Qazaqstan chempıonatynda «Kaspıı» qaıtadan kósh basyna shyqty
NUR-SULTAN. QazAqparat – Fýtboldan Qazaqstan chempıonatynyń altynshy týrynda Aqtaýdyń «Kaspııi» óz alańynda «Atyraýdy» qabyldady, dep habarlaıdy QazAqparat tilshisi.
Ótken týrda «Kaspıı» Almatyda «Qaıratqa», al atyraýlyqtar óz alańynda «Aqjaıyqqa» 0:1 esebimen ese jibergen edi.
Sondyqtan qos komanda da upaı alyp, jaǵdaıyn jaqsartýǵa umtyldy. Birinshi taım aıaqtalar sátte qonaqtardyń qorǵaýshysy Mateýs Bıssıdiń qateligin paıdalanǵan Aslan Ádil esep ashty.
Ekinshi taımda 52-mınýtta buryshtamadan berilgen doptan keıin M.Bıssı tarazy basyn teńestirdi. Áıtse de 89-mınýtta alańǵa tyńnan qosylǵan Almas Armenov jeńis golyn soǵyp ketti. Esep 2:1, «Kaspııdiń» paıdasynda.
Bul oıynnan keıin 13 upaı jınaǵan aqtaýlyqtar birinshi orynǵa kóterildi. Degenmen olardy osy týrda basqa komandalar qýyp jete alady. Ortalyq match búgin Qostanaıda ótedi, onda el chempıony «Tobyl» osyǵan deıin kósh bastaǵan «Qaıratty» qabyldaıdy.
Eske sala keteıik, budan buryn fýtboldan Qazaqstan chempıonatynda «Aqjaıyqtyń» «Astanadan» basym túskenin jazǵan bolatynbyz.
