Fýtboldan Qazaqstan chempıonatynda Aqjaıyq kósh basyndaǵy Aqtóbeni utty

ORAL. QazAqparat - Fýtboldan Qazaqstan chempıonatynyń 21-týrynda Oraldyń «Aqjaıyǵy» óz alańynda «Aqtóbeni» qabyldady, dep habarlaıdy QazAqparat tilshisi.

Buǵan deıin aqtóbelikter 42 upaımen kósh bastap kele jatsa, oraldyqtar aýtsaıderlerdiń biri edi.

Birinshi taımda 29-mınýtta «Aqjaıyq» sapyndaǵy armenııalyq legıoner Petros Avetısıan esep ashty - 1:0.

Ekinshi kezeńde 68-mınýtta grýzııalyq legıoner Lýka Imnadze esepti 2:0-ge jetkizdi. Eki mınýttan keıin P.Avetısıan taǵy bir goldyń avtory atandy.

Budan keıin 90-mınýtta «Aqtóbeden» Jerar Goý esepti qysqartty.

Osylaısha, «Aqjaıyq» 3:1 esebimen jeńiske jetti. Komanda 21 upaımen burynǵysha 13-orynda qaldy.

Eske sala keteıik, budan buryn fýtboldan Qazaqstan chempıonatynda «Aqsýdyń» «Aqjaıyqtan» basym túskenin jazǵan bolatynbyz.

Sýretterdi túsirgen Aıbatyr Nurash