Fýtboldan Qazaqstan chempıonatynda «Aqjaıyq» «Aqsýdan» utylyp qaldy
ORAL. QazAqparat - Fýtboldan Qazaqstan chempıonatynyń segizinshi týrynda Oraldyń «Aqjaıyǵy» óz alańynda «Aqsýdy» qabyldady, dep habarlaıdy QazAqparat tilshisi.
Osyǵan deıin úsh ret qatarynan jeńiske jetken oraldyqtar týrnır kestesinde 10-satyda bolsa, «Aqsý» sońǵy oryndardyń birinde turǵan edi.
Birinshi taımda qonaqtar kóbirek shabýyldaǵanymen, esep ashylǵan joq.
Esesine oıynnyń ekinshi kezeńinde 67-mınýtta aıyp doby oryndalǵannan keıin Arman Smaıylov jeńis golyn soǵyp ketti.
Budan keıin «Aqjaıyq» oıynshylar almastyryp, tarazy basyn teńestirýge tyrysqanymen, esep ózgergen joq.
Qorytyndy esep - 1:0, «Aqsýdyń» paıdasynda.
Eske sala keteıik, budan buryn «Aqjaıyqtyń» qatarynan úsh ret jeńgenin, «Ordabasy» kósh basyna kóterilgenin jazǵan bolatynbyz.
Sýretterdi túsirgen Aıbatyr Nurash.
