Fýtboldan Qazaqstan chempıonatyna 250 medıtsına qyzmetkeri qatysýda
AQTÓBE. QazAqparat - Aqtóbede medıtsına qyzmetkerleri arasynda fýtboldan ІІ el chempıonaty ótip jatyr, dep habarlaıdy QazAqparat tilshisi.
Qazaqstannyń ár óńirinen kelgen medıtsına qyzmetkerleri fýtboldan el chempıonatyna qatysýda. Barlyǵy 15 komanda bar. Olar 4 topqa bólindi. Aqtóbe oblysynyń komandasy S tobyna kirdi. Bul topta Qaraǵandy, Mańǵystaý oblystary bar. Aqtóbe qalasynyń tobynda Almaty men Pavlodar jáne Jambyl oblystary kirdi. 11 mamyr kúni aqtyq syn bolady.
"El chempıonatynda júldeli oryn alý úshin daıyndyq erte bastaldy. Biz aldyn ala fýtboldan ózara synǵa tústik, myqtylar irikteldi. Maqsat - birinshi oryn alý. Úzdiksiz jattyǵý arqyly jeńiske jetýdi kózdep otyrmyz. Aqtóbelik medıtsına qyzmetkerleri tek jumysta emes, sportta da bıikterge qol jetkize alatynyn dáleldeı alady. Biz salaýatty ómir saltyn ustanamyz, sportty serik etip, ózara fýtbol da oınaımyz. Ortaq qyzyǵýshylyǵymyz jeńiske jetkizedi degen senim bar", - dedi kardıolog dáriger Bolat Hamıdolla.
Erteń aqtyq syn bolady. Fýtbol qaladaǵy sport mektepteriniń alańynda ótip jatyr. Barlyǵy 250-den astam medıtsına qyzmetkeri Aqtóbege keldi. Qazaqstan chempıonatynyń ashylýyna oblys ákiminiń orynbasary M.Toǵjanov pen qala ákimi І.Ispanov qatysty. Chempıonatqa qatysýshylar Densaýlyq saıabaǵyna, Aqtóbe medıtsına ortalyǵyna baryp, aǵash ekti.
"Ótken jyly el chempıonaty Almaty qalasynda boldy. Ol kezde aqtóbelik komanda 2-oryn aldy. Bıyl bar kúshimizdi salyp, 1-oryndy ıelenýdi kózdep otyrmyz. Daıyndyq bar, dárigerler óz sheberlikterine senimdi", - dedi Aqtóbe oblystyq densaýlyq saqtaý basqarmasynyń basshysy Áset Qalıev.
