Fýtboldan Qazaqstan chempıonaty toqtatyldy
NUR-SULTAN.QazAqparat – Fýtboldan Qazaqstan chempıonaty toqtatyldy, dep habarlaıdy QazAqparat Qazaqstan kásipqoı fýtbol lıgasyna silteme jasap.
«Qazaqstanda epıdemıologııalyq ahýaldyń órshýin jáne koronavırýs ınfektsııasymen syrqattanýshylyqtyń ósýin eskere otyryp, Memlekettik komıssııa bıylǵy 5 shildeden bastap 14 kúnge kelesi shekteý sharalaryn engizý týraly sheshim qabyldady. Shekteý is-sharalarynyń ishinde sporttyq jarystardy ótkizýge tyıym salyndy. Eldegi epıdemıologııalyq jaǵdaıdyń odan ári ýshyǵýyna baılanysty shekteý sharalary 2 aptaǵa uzartylýy nemese kúsheıtilýi múmkin», delingen lıganyń resmı saıtyndaǵy aqparatta.
Osylaısha, fýtboldan OLIMPBET-Qazaqstan chempıonaty 14 kúnge ýaqytsha toqtatyldy.
Aıta keteıik, fýtboldan el birinshiligi 1 shilde kúni jalǵasqan bolatyn. Komandalar ázirge 3 oıynnan ótkizdi.
