Fýtboldan Qazaqstan chempıonaty: «Ordabasy» jigerli oıyn kórsetti
NUR-SULTAN. QazAqparat - Búgin fýtboldan Qazaqstan chempıonaty tórtinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Esterińizge sala ketelik, budan buryn Aqtaýdyń «Kaspıı» klýby Almatynyń «Qaıratyna» 0:3 esebimen jol berdi .
Odan keıin Taldyqorǵannyń «Jetisý» jáne Shymkenttiń «Ordabasy» komandalary kezdesti. Bul oıynda aldymen «Jetisý» sapynan Pedro Eýjenıo 22, Martın Toshev 28-mınýttarda gol soǵyp ketti. Degenmen oǵan 39-mınýtta Aleksandr Sımchevıch bir golmen jaýap qaıyrdy. Oıynnyń ekinshi kezeńinde shymkenttik klýb sapynan 54-mınýtta Sergeı Hıjnıchenko, 63-mınýtta Joao Paolo mergendik tanytty. Nátıjesinde «Ordabasy» 3:2 esebimen jeńiske jetti.
Búgingi oıyndardy Jambyl oblysynyń «Taraz» jáne Petropavldyń «Qyzyljar» komandalary qorytyndylady. Bul kezdesýde 0:0 esebi tirkeldi.
Al 19 tamyzda Qaraǵandynyń «Shahter» jáne Qyzylordanyń «Qaısar» komandalary arasyndaǵy kezdesý bolady.
Bul týrdaǵy Qostanaıdyń «Tobyl» jáne elordalyq «Astana» klýbtarynyń kezdesýi keıinge qaldyryldy.
