Fýtboldan Qazaqstan chempıonaty: «Ordabasy» óz alańynda «Qyzyljardan» oısyraı jeńildi
NUR-SULTAN. QazAqparat - Búgin fýtboldan Qazaqstan chempıonaty birinshi týrynyń keıinge qaldyrylǵan oıyny ótti, dep habarlaıdy QazAqparat tilshisi.
Bul oıynda Shymkenttiń «Ordabasy» jáne Petropavldyń «Qyzyljar» komandalary kezdesti.
Eki komanda týrnır kestesinde qatarlas keledi. Ekeýiniń biri jeńiske jetken jaǵdaıda tórtinshi orynǵa kóteriletin edi. Qarjylyq jaǵdaıyna baılanysty «Ordabasy» quramynan birqatar fýtbolshylar komanda aýystyrdy. Sondyqtan shymkenttik klýbta búgin negizinen jas oıynshylar sany basym boldy. Al «Qyzyljar» bapkerleri olarǵa negizgi quramdy qarsy qoıdy.
Atalǵan kezdesýde «Qyzyljar» komandasy basymdyq kórsetti. Nátıjesinde alań ıeleri qaqpasyna jaýapsyz bes gol soǵyp ketti. Olardyń qatarynan ıÝrıı Býshman 2-mınýtta esep ashsa, odan keıin 9-mınýtta Valerıı Karshakevıch esepti ústemeleı tústi.
Ekinshi kezeńniń 57-mınýtynda Darko Zorıch mergendik tanytyp, «Qyzyljardyń» basymdyǵyn arttyrdy. Al 62-mınýtta «Ordabasy» oıynshysy Aleksandr Sımchevıch avtogol avtory atansa, 79-mınýtta Pavel ıAkovlev petropavldyq klýbtyń búgingi kezdesýdegi sońǵy golyn soqty.
Atalǵan jeńisten keıin «Qyzyljar» 29 upaımen tórtinshi orynǵa kóterildi. Kósh basynda 42 upaımen «Tobyl» komandasy keledi. Odan keıingi oryndardaǵy «Astananyń» 41, «Qaırattyń» 37 upaıy bar.
Qazir el birinshiliginde ulttyq quramanyń aldaǵy oıyndaryna baılanysty azdaǵan úzilis jarııalandy. Endi 20-týr oıyndary 12 qyrkúıek kúni jalǵasady.
