Fýtboldan Qazaqstan chempıonaty: Búgin 25-týr oıyndary bastalady
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 25-týry bastalady, dep habarlaıdy QazAqparat tilshisi.
Barlyq oıyndar búgin, 24 qazanda ótkiziledi. Atalǵan týrda jankúıerler 15.00-de bastalatyn «Qaırat» (Almaty) men «Astana» (Nur-Sultan), «Tobyl» (Qostanaı) men «Shahter» (Qaraǵandy) oıyndaryna kóz tigedi. Qazir «Astana» men «Tobyl» chempıondyqqa talas júrgizip keledi. Olardyń biri búgin súringen jaǵdaıda altyn medal taǵdyry sheshilýi múmkin.
Aıta ketsek, «Qaırat» bıylǵy birinshiliktiń qola júldegeri atandy.
Dál osy ýaqytta «Taraz» ben «Ordabasy» (Shymkent), «Atyraý» men «Qyzyljar» (Petropavl), «Turan» (Túrkistan) men «Aqtóbe» ózara sheberlik baıqasady.
Al 17.00-de «Kaspıı» (Aqtaý) men «Aqjaıyq» jasyl alańǵa shyqsa, atalǵan týrdy 19.00-de «Qaısar» (Qyzylorda) men «Jetisý» (Taldyqorǵan) komandalary túıindeıdi.
24-týr nátıjesi boıynsha 56 upaımen «Astana» kósh basynda keledi. Odan keıingi oryndardaǵy «Tobyldyń» - 55, «Qaırattyń» - 47 upaıy bar.
