Fýtboldan Qazaqstan chempıonaty: Búgin 23-týr oıyndary bastalady
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 23-týry bastalady, dep habarlaıdy QazAqparat tilshisi.
Oıyndar eki kúnge belgilengen. Aldymen 2 qazanda tórt kezdesý ótkizilse, 3 qazanda úsh oıyn bolady.
Atalǵan týr shymyldyǵy 15.00-de «Jetisý» (Taldyqorǵan) men «Astana» (Nur-Sultan) kezdesýimen ashylady.
Odan keıin 17.00-de «Tobyl» (Qostanaı) men «Ordabasy» komandalary jalǵastyrsa, 19.00-de «Turan» (Túrkistan) men «Shahter» (Qaraǵandy), 20.00-de «Qaısar» (Qyzylorda) men «Aqtóbe» jasyl alańǵa shyǵady.
Al 3 qazanda 16.00-de «Taraz» ben «Tobyl» (Qostanaı), 17.00-de «Qaırat» (Almaty) men «Qyzyljar» (Petropavl), 19:00-de «Qaısar» (Qyzylorda) men «Shahter» (Qaraǵandy) sheberlik baıqasady.
22-týr nátıjesi boıynsha 50 upaımen «Astana» kósh basynda kele jatsa, odan keıingi oryndardaǵy «Tobyldyń» - 49, «Qaırattyń» - 41 upaıy bar.
