Fýtboldan Qazaqstan chempıonaty: «Aqjaıyq» pen «Qaısar» teń oınady
ORAL. QazAqparat - Fýtboldan Qazaqstan chempıonatynyń 22-týrynda «Aqjaıyq» óz alańynda Qyzylordanyń «Qaısaryn» qabyldady, dep habarlaıdy QazAqparat tilshisi.
Buǵan deıin oraldyqtar 29 upaımen altynshy orynda tursa, «Qaısar» nebári 15 upaımen 13-satyda edi.
Birinshi taımda alań ıeleri kóbirek shabýyldaǵanymen, esep ashylǵan joq.
Ekinshi kezeńde 65-mınýtta «Aqjaıyq» sapyndaǵy reseılik Evgenıı Kozlov mergendik tanytty.
Alaıda kóp uzamaı qarsy shabýyldardyń birinde qonaqtardan lıtvalyq legıoner Karolıs Laýkjemıs tarazy basyn teńestirip ketti - 1:1.
Ýkraınalyq maman Vladımır Mazıar jattyqtyratyn «Aqjaıyq» komandasy kelesi oıynyn 2 qazanda Almatyda el chempıony «Qaıratpen» ótkizedi.
Al birinshi lıgaǵa túsip qalý qaýpi anyq tóngen qyzylordalyqtar Aqtóbede oınaıdy.
Eske sala keteıik, budan buryn «Jetisý» men «Aqjaıyqtyń» teń tarqasqanyn jazǵan bolatynbyz.
Foto: Aıbatyr Nurash
