Fýtboldan Qazaqstan chempıonaty: «Aqtóbe» qatarynan altynshy ret jeńiske jetti
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 18-týryndaǵy taǵy bir kezdesýdiń nátıjesi belgili boldy, dep habarlaıdy QazAqparat tilshisi.
Týrnır kestesinde kósh basynda kele jatqan «Aqtóbe» óz alańynda Petropavldyń «Qyzyljar» (Petropavl) komandasyn qabyldaǵan edi. Aqtóbelik klýb jeńiske jetken jaǵdaıda týrnır kestesinde jaǵdaıyn odan ári jaqsarta túsetin.
Eki komanda tartysty oıyn ótkizdi. Oıyn sońyna deıin qarsylastar bir-biriniń qaqpasynan sańylaý taba almady.
Kezdesýdiń 89-mınýtynda alań ıelerinen Jerar Goý gol soqty.
Osylaısha «Aqtóbe» qatarynan altynshy márte jeńiske jetti. Týrnır kestesinde qatarlas kele jatqan komandalardan birshama alda tur.
Eske salsaq, budan buryn Almatynyń «Qaıraty» óz alańynda Qostanaıdyń «Tobylyna» 2:3 esebimen jol berdi.
4 qyrkúıekte óz alańynda «Atyraý» «Kaspııdi» 3:2, «Aqsý» «Maqtaraldy» 4:2 esebimen tize búktirdi.
Al Shymkenttiń «Ordabasy» klýby óz alańynda Túrkistannyń «Turanyna» 1:2 esebimen jol berse, Qaraǵandynyń «Shahteri» óz alańynda «Tarazdan» 1:0 esebimen basym tústi.
Dál qazir elordada «Astana» men «Aqjaıyq» (Oral) kezdesýiniń birinshi kezeńi aıaqtaldy. Ázirge elordalyq klýb qarsylasynan 1:0 esebimen basym túsip jatyr.
