Fýtboldan Qazaqstan chempıonaty 1 shildede jalǵasady
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan chempıonaty 1 shildede jalǵasady, dep habarlaıdy QazAqparat tilshisi.
Bul jóninde «Astana» fýtbol klýby instagram jelisindegi akkaýntynda jazdy. Málim bolǵanyndaı, dop dodasy burynǵydaı úsh aınalym arqyly ótkizilmeıdi. Komandalar endi eki aınalym boıynsha synǵa túsetin boldy.
Esterińizge sala ketelik, bıylǵy Premer-lıga komandalary arasyndaǵy Qazaqstan chempıonatynyń alǵashqy eki týry oınaldy. Odan keıin koronavırýs ınfektsııasy qaýpiniń aldyn alý maqsatynda qalǵan oıyndar keıinge shegerildi. Tek «Astana», «Qaırat», «Ordabasy» jáne «Oqjetpes» aldaǵy týr oıyndaryn aldyn-ala oınap, qalǵan klýbtardan bir oıyn artyq ótkizdi.
Qazir týrnır kestesinde «Astana» 7 upaımen kósh bastap keledi. Odan keıingi orynda 6 upaımen «Qaırat» komandasy tur.
Budan buryn Pavlodardyń «Ertis» komandasy qarjylyq qıyndyqqa baılanysty Premer-lıganyń qalǵan oıyndaryn qatysýdan bas tartqanyn habarlaǵan edik.
Sondaı-aq, fýtboldan Qazaqstan chempıonatyn jalǵastyrýdyń eki jospary anyqtalǵany málim boldy.
