Fýtboldan Qazaqstan chempıonaty: «Jetisý» áıelder komandasy ekinshi jeńisine jetti

ASTANA. KAZINFORM — Fýtboldan áıelder arasyndaǵy Qazaqstan chempıonatynyń jetinshi týry márisen jetti.

Ekinshi oıyn kúninde «Jetisý» (Taldyqorǵan) men «Astana» komandalary kezdesti. Qarsylastar týrnır kestesinde qatarlas keledi. Sondyqtan olar tartysty oıyn ótkizdi. Kezdesý taǵdyryn sheshken jalǵyz gol «Jetisýǵa» jeńis alyp keldi.

Osylaısha qarsylasynan 1:0 esebimen basym túsken olar týrnır kestesindegi jaǵdaıyn jaqsarta tústi. Birinshiliktegi ekinshi jeńisine jetti.

Al «Qaısar» (Qyzylorda) men «Qyzyljar» (Petropavl) 0:0 esebine qanaǵat bildirse, kókshetaýlyq «Oqjetpes» (Kókshetaý) óz alańynda jezqazǵandyq «Ulytaýǵa» 1:2 esebimen ese jiberdi.

Atalǵan týrda 22 mamyrda shymkenttik BIIK komandasy syrt alańda Qostanaıdyń «Tobylyn» 18:0 esebimen jeńse, «Atyraý» túrkistandyq «Tomırıs-Turannan» 0:7, semeılik «Elimaı» «Aqtóbeden» 0:5, astanalyq «Jeńis» Almatynyń «Qaırattan» 0:1 esebimen jeńilip qaldy. 

Federatsııa talabymen erler klýbtarynyń janynan áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.