Fýtboldan Qazaqstan chempıonaty 1 naýryz kúni bastalady

ASTANA. KAZINFORM - Fýtboldan 2025 jylǵy Qazaqstan chempıonatynyń kúntizbesi jarııalandy. 

Bıyl dop dodasyna barlyǵy 14 komanda qatysady. Olardyń qatarynda «Qaırat» (Almaty), «Astana», «Aqtóbe», «Ordabasy» (Shymkent), «Tobyl» (Qostanaı), «Elimaı» (Semeı), «Atyraý», «Qaısar» (Qyzylorda), «Qyzyljar» (Petropavl), «Jeńis» (Astana), «Jetisý» (Taldyqorǵan), «Oqjetpes» (Kókshetaý), «Ulytaý» (Jezqazǵan) komandalary bar.

Alǵashqy týr 1-2 naýryz kúnderi ótedi. Bul týrda «Qyzyljar» men «Jetisý», «Astana» men «Qaırat», «Ordabasy» men «Aqtóbe», «Turan» men «Oqjetpes», «Atyraý» men «Elimaı», «Qaısar» men «Jeńis», «Tobyl» men «Ulytaý» kezdesedi. Sońǵy týr oıyndary 26 qazanǵa belgilengen.

Bıyl elimizde fýtbol shymyldyǵyn Qazaqstan sýperkýbogyndaǵy «Aqtóbe» men «Qaırat» oıyny ashady. Bul kezdesý «Astana-Arena» stadıonynda ótedi.  

Byltyr Qazaqstan chempıonatynda almatylyq «Qaırat» bas júldeni jeńip alsa, «Astana» ekinshi, «Ordabasy» úshinshi oryn aldy. Qazaqstan kýbogyna «Aqtóbe» komandasy qol jetkizdi.

Eske salsaq, fýtboldan Qazaqstan quramasy 17 aqpanda Soltústik Koreıamen joldastyq kezdesý ótkizedi.