Fýtboldan Qazaqstan birinshiliginde «Astana» «Kaspııdi» iri eseppen jeńdi
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiliginiń jetinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Bul kúngi ekinshi kezdesý elordalyq «Astana» men aqtaýlyq «Kaspıı» komandalary arasynda ótti.
Alty týrdan keıin 13 upaımen «Kaspıı» kósh basynda tursa, «Astana 9 upaımen ázirge besinshi orynda kele jatqan edi.
Oıyn barysynda elordalyq komandanyń basymdyǵy baıqalyp turdy. Nátıjesinde qarsylastar qaqpasyna jaýapsyz tórt gol soqty. Oıynnyń 14, 27-mınýttarynda Vlýt Raı «Astanany» alǵa shyǵarsa, 42-mınýtta Maks Ebong mergendik tanytty. Kezdesý núktesin 59-mınýtta Marın Tomasov gol saldy.
Osylaısha «Astana» qarsylasyn 4:0 esebimen tize búktirdi. Týrnır kestesinde 12 upaımen ekinshi orynǵa kóterildi. Al enshisinde 13 upaı bar «Kaspıı» birinshi oryndy saqtap qaldy.
Eske salsaq, budan buryn qostanaılyq «Tobyl» syrt alańda «Atyraýǵa» 1:2 esebimen jol berdi.
Jetinshi týrdaǵy ózge oıyndar erteń, 23 sáýir kúni ótkiziledi.