Fýtboldan Qazaqstan birinshiligi: «Tobyl» «Turandy» oısyrata jeńdi
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiliginiń tórtinshi týry máresine jetti, dep habarlaıdy QazAqparat tilshisi.
Atalǵan týrdaǵy sońǵy oıynda Qostanaıdyń «Tobyly» óz alańynda Túrkistannyń «Turanyn» 3:0 esebimen oısyrata jeńdi.
Al Almatynyń «Qaıraty» syrt alańda Oraldyń «Aqjaıyǵymen» 0:0 esebine qanaǵat bildirdi.
Sondaı-aq, 3 sáýirde elordalyq «Astana» Túrkistanda «Maqtaral» komandasyn 3:0 esebimen súrindirdi.
Ózge oıyndarda óz alańynda «Kaspıı» «Ordabasyny», «Qyzyljar» «Aqsýdy» 2:1 jeńse, «Taraz» «Atyraýǵa» 0:1 esebimen jol berdi.
Taǵy bir oıynda «Aqtóbe» men «Shahter» 1:1 esebine qanaǵat bildirdi.
Tórtinshi týrdan keıin 10 upaımen «Tobyl» men «Kaspıı» kósh basyna shyqty. Odan keıingi orynda 8 upaımen «Qaırat» komandasy keledi.
Endi besinshi týr oıyndary 9 jáne 10 sáýir kúnderi ótkiziledi.
