Fýtboldan Qazaqstan birinshiligi: «Tobyl» «Turandy» iri eseppen jeńdi
NUR-SULTAN. QazAqparat - Búgin, 23 sáýirde fýtboldan Premer-lıga komandalary arasyndaǵy el birinshiliginde Qostanaıdyń «Tobyly» óz alańynda «Turandy» iri eseppen jeńdi, dep habarlaıdy QazAqparat tilshisi.
Týrnır kestesinde qostanaılyq klýb aldyńǵy oryndardyń birinde kele jatqan bolatyn. Al «Turan» kósh sońynda júrgen klýbtardyń qatarynda keledi.
Búgingi kezdesýde alǵashqy mınýttan alań ıeleri tizgindi óz qolyna alýǵa tyrysty. Nátıjesinde olardyń qatarynan Nemanıa Nıkolıch 8-mınýtta esep ashty. Al 44-mınýtta «Tobyl» kapıtany Azat Nurǵalıev penaltıden esepti ústemeledi.
Ekinshi kezeńniń 63-mınýtynda Nemanıa Nıkolıch kezdesýdegi ekinshi golynyń avtory atandy. Qostanaılyq qorǵaýshy Dmıtrıı Mıroshnıchenko 76, Jasulan Jumashev 84-mınýttarda mergendigimen kózge tústi. Osylaısha «Tobyl» qarsylasynan 5:0 esebimen basym tústi. Nátıjesinde 15 upaımen týrnır kestesinde ekinshi orynǵa kóterildi. Kósh basynda 17 upaımen «Astana» tursa, úzdik úshtikti 14 upaımen «Taraz» túıindep tur.
Buǵan deıin úsh oıynnyń nátıjesi belgili boldy. Syrt alańda «Taraz» Aqtaýdyń «Kaspııine», Almatynyń «Qaıraty» «Atyraýǵa» 0:1 esebimen ese jiberdi.
Elordalyq «Astana» dál osy eseppen Qaraǵandynyń «Shahterin» tize búktirdi.
Jetinshi týrdaǵy qalǵan oıyndar 24 sáýirde ótkizledi. Bul kúni «Qyzyljar» (Petropavl) men «Jetisý» (Taldyqorǵan), «Aqjaıyq» (Oral) pen «Aqtóbe», «Ordabasy» (Shymkent) pen «Qaısar» (Qyzylorda) komandalary
