Fýtboldan Qazaqstan birinshiligi: «Tobyl» syrt alańda «Kaspııden» jeńildi
NUR-SULTAN. QazAqparat - Búgin, 28 sáýirde fýtboldan Premer-lıga komandalary arasyndaǵy el birinshiliginiń cegizinshi týrynyń alǵashqy oıyny aıaqtaldy, dep habarlaıdy QazAqparat tilshisi.
Úzdik úshtikte kele jatqan Qostanaıdyń «Tobyly» oılamaǵan jerden syrt alańda Aqtaýdyń «Kaspıı» klýbyna 1:2 esebimen ese jiberdi.
Birinshi kezeńde aqtaýlyq klýb sapynan Davıd Karaev 31-mınýtta esep ashqan edi. Odan keıin áriptesi Nıkola Tsýtskıch 72-mınýtta esepti ústemeleı tústi. Oǵan 95-mınýtta «Tobyl» sapynan Oralhan Ómirtaev bir golmen jaýapp qaıyrdy.
Dál qazir elordada «Astana» men Oraldyń «Aqjaıyǵy» arasyndaǵy kezdesýdiń birinshi kezeńi ótip jatyr. Ázirge alań ıeleri 1:0 esebimen basym túsýde.
Sondaı-aq, búgin «Taraz» ben «Aqtóbe», «Turan» (Túrkistan) men «Atyraý» arasynda kezdesedi.
Al 29 sáýirde «Jetisý» (Taldyqorǵan) men «Shahter» (Qaraǵandy), «Qaırat» (Almaty) pen «Ordabasy» (Shymkent), «Qaısar» (Qyzylorda) men «Qyzyljar» (Petropavl) komandalary sheberlik baıqasady.
