Fýtboldan Qazaqstan birinshiligi: «Tobyl» «Ordabasyǵa» ese jiberdi
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiliginiń besinshi týrynyń eki oıyny aıaqtaldy, dep habarlaıdy QazAqparat tilshisi.
Qazirge deıin el birinshiligi besinshi týryndaǵy eki kezdesýdiń nátıjesi belgili boldy.
Aldymen Oraldyń «Aqjaıyǵy» syrt alańda «Atyraýdy» 1:0 esebimen tize búktirdi.
Taǵy bir kezdesýde Qostanaıdyń «Tobyly» syrt alańda Shymkenttiń «Ordabasy» komandasymen kezdesti. Oıynnyń birinshi kezeńinde qostanaılyq klýbtan Aleksandr Marochkın alańnan qýyldy. Soǵan baılanysty 22-mınýtta belgilengen penaltıden shymkenttik Elhan Astanov múlt ketken joq. Oǵan 41-mınýtta Igor Sergeev bir golmen jaýap qaıyrdy. «Ordabasy» sapynan Serj Nıýadzı 44, 85-mınýttarda mergendik tanytty.
Osylaısha «Tobyl» syrt alańda qarsylasyna 1:3 esebimen ese jiberdi.
Aıta ketsek, atalǵan týrda búgin, 9 sáýirde elorda ýaqytymen 19.00-de Almatynyń «Qaıraty» óz alańynda Aqtaýdyń «Kaspıı» komandasyn qabyldaıdy.
Sondaı-aq, 10 sáýirde «Shahter» (Qaraǵandy) jáne «Maqtaral» (Túrkistan oblysy), «Aqsý» (Pavlodar oblysy) men «Aqtóbe», «Turan» (Túrkistan) men «Qyzyljar» (Petropavl), «Astana» (Nur-Sultan) men «Taraz» komandalary kezdesedi.
