Fýtboldan Qazaqstan birinshiligi: «Tobyl» men «Kaspıı» qarsylastaryn iri eseppen jeńdi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 13-týry máresine jetti, dep habarlaıdy QazAqparat tilshisi.
Atalǵan týrdy túıindegen eki oıynnyń birinde Qostanaıdyń «Tobyly» syrt alańda Qaraǵandynyń «Shahter» komandasymen kezdesti.
Atalǵan kezdesýde qostanaılyq klýb sapynan Ashat Taǵybergen 30, 56-mınýttarda qos goldyń avtory atandy.
Al 81-mınýtta onyń komandalas áriptesi Elgýdja Lobjanıdze qorytyndy esepti belgiledi.
Osylaısha «Tobyl» qarsylasyn 3:0 esebimen tize búktirdi.
Dál osyndaı eseppen «Kaspıı» syrt alańda Oraldyń «Aqjaıyq» klýbynan basym tústi.
Bul kezdesýde atyraýlyq komanda sapynan Ýadjdı Salı 37, Davıd Karaev 68, Rýslan Saqalbaev 90-mınýttarda kózdegen nysanadan múlt ketken joq.
Eske salsaq, atalǵan týrdaǵy úsh oıyn keshe, 23 mamyrda ótkizildi. Alǵashqy oıynda «Jetisý» «Qaısardan» 2:0 esebimen basym tússe, «Turan» syrt alańda «Aqtóbeni» 1:0 esebimen tize búktirdi.
Al «Astana» men «Qaırat» arasyndaǵy kezdesý 1:1 esebimen aıaqtaldy.
Sondaı- aq, búgin «Ordabasy» men «Taraz» 1:1 esebimen teń tússe, Petropavlda jergilikti «Qyzyljar» «Atyraýǵa» 0:1 esebimen jol berdi.
Atalǵan týrdan keıin 33 upaımen «Astana» kósh bastap keledi. Odan keıingi oryndardaǵy «Tobyldyń» 28, «Qaırattyń» 21 upaıy bar.
Endi on tórtinshi týr oıyndary 28 jáne 29 mamyr kúnderi ótkiziledi.
