Fýtboldan Qazaqstan birinshiligi: «Tobyl» Aqtaýda «Kaspıı» komandasymen teń tústi
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiligi ekinshi týrynda taǵy úsh oıynnyń nátıjesi belgili boldy, dep habarlaıdy QazAqparat tilshisi.
Ótken jylǵy el chempıony - Qostanaıdyń «Tobyly» syrt alańda Aqtaýdyń «Kaspıı» komandasymen 0:0 esebine qanaǵat bildirdi.
Al «Aqtóbe» óz alańynda «Atyraýdan» 2:1 esebimen basym tústi. Aldymen atyraýlyq komandadan Andrııa Fılıppovıch 20-mınýtta esep ashty. Oǵan alań ıeleri qatarynan Ýgo Vıdeomon 45, Artýras Jýlpa 83-mınýtta qos golmen jaýap qaıyrdy.
Túrkistan oblysynyń «Maqtaaral» óz alańynda Almatynyń «Qaıratyna» 0:1 esebimen jol berdi. Kezdesýde jalǵyz goldy Hose Kante 26-mınýtta óziniń enshisine jazdy. Osylaısha bıylǵy dop dodasynda úshinshi golyn soǵyp úlgerdi.
Eske salsaq, 10 naýryzda «Taraz» jáne «Ordabasy» (Shymkent), «Aqsý» (Pavlodar oblysy) «Astana» (Nur-Sultan), «Shahter» (Qaraǵandy) «Qyzyljar» (Petropavl) komandalarynan 1:0 esebimen basym tústi.
Aýa raıynyń qolaısyzdyǵyna baılanysty «Aqjaıyq» (Oral) jáne «Turan» (Túrkistan) oıyny keıinge qaldyryldy.
