Fýtboldan Qazaqstan birinshiligi: «Taraz» úzdik úshtikke kóterildi
NUR-SULTAN. QazAqparat - Búgin, 14 cáýirde fýtboldan Premer-lıga komandalary arasyndaǵy el birinshiliginiń besinshi týry máresine jetti, dep habarlaıdy QazAqparat tilshisi.
Kezekti týr oıyndary 13 jáne 14 cáýir kúnderi ótkizildi. Aldymen 13 sáýirde óz alańynda Petropavldyń «Qyzyljary» «Aqtóbeden», Qaraǵandynyń «Shahteri» Oraldyń «Aqjaıyǵynan» 1:2 esebimen jeńildi.
Al búgin, 14 cáýirde syrt alańda elordalyq «Astana» Shymkenttiń «Ordabasy» klýbyn 4:1 esebimen tas-talqan etip jeńse, Almatynyń «Qaıraty» Aqtaýda «Kaspıımen» 1:1 esebimen teń tústi.
Odan keıin Qostanaıda «Tobyl» Qyzylordanyń «Qaısaryn» 1:0 esebimen tize búktirdi. Kezdesý taǵdyryn sheshken jalǵyz goldy 2-mınýtta alań ıeleri sapynan Tonı Sılva soqty.
Taǵy bir kezdesýde óz alańynda «Atyraý» Taldyqorǵannyń «Jetisýyn» qabyldady. Atalǵan kezdesýde taldyqorǵandyq klýbtan Baýyrjan Turysbek 37-mınýtta gol soqsa, ol 68-mınýtta penaltıden múlt ketken joq. Oǵan 76-mınýtta alań ıelerinen Petar Kýnıch bir golmen jaýap qaıyrsa, 92-mınýtta taldyqorǵandyq Ashat Baltabekov avttogol avtory atandy. Osylaısha qos komanda 2:2 esebine qanaǵat bildirip tarasty.
Besinshi týr oıyndaryn Túrkistanda ótken jergilikti «Turan» men «Taraz» komandalary túıindedi. Bul oıynda tarazdyq Pedro Eýjenıo 78-mınýtta gol soǵyp, kezdesý taǵdyryn sheshti. Osylaısha «Taraz» 1:0 esebimen jeńiske jetti.
Osylaısha besinshi týrdan keıin 11 upaı jınaǵan «Astana», «Qaırat», «Taraz» jáne «Tobyl» komandalary kósh basynda tur.
Aldaǵy altynshy týr oıyndary 19 sáýirde ótkiziledi. Bul kúni «Qaısar» men «Atyraý», «Astana» men «Qyzyljar», «Turan» men «Kaspıı», «Jetisý» men «Ordabasy», «Taraz» ben «Aqjaıyq», «Qaırat» pen «Tobyl» komandalary kezdesedi.
