Fýtboldan Qazaqstan birinshiligi: «Taraz» qaıtadan ekinshi orynǵa kóterildi
NUR-SULTAN. QazAqparat - Búgin, 28 sáýirde fýtboldan Premer-lıga komandalary arasyndaǵy el birinshiliginiń cegizinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Alǵashqy oıynda «Tobyl» syrt alańda «Kaspııden» 1:2 esebimen jeńilip qaldy.
Al odan keıin «Astana» óz alańynda «Aqjaıyqtan» 1:0 esebimen basym tústi.
Úshinshi kezdesýde «Taraz» «Aqtóbeni» súrindirdi. Oıyn barysynda tarazdyqtar sapynan Baýyrjan Baıtana 11-mınýtta esep ashsa, 16-mınýtta onyń komandalas áriptesi Pedro Eýjenıo penaltıden esepti ústemeleı tústi. Al 55-mınýtta Dinmuhamed Qaraman mergendik tanytty. Al 76-mınýtta aqtóbelik fýtbolshy Igor Sergeev esep aıyrmasyn qysqartty. Kezdesý barysynda «Taraz» qarsylasynan 3:1 esebimen basym tústi.
Taǵy bir oıynda Túrkistanda «Turan» «Atyraýdan» 1:2 esebimen jeńilip qaldy. Kezdeseýde «Atyraý» sapynan Dmıtrıı Gýz 2-mınýtta esep ashsa, alań ıelerinen Oljas Kerimjanov 46-mınýtta tarazy basyn teńestirdi. Kezdesý taǵdyryn 78-mınýtta atyraýlyq fýtbolshy Jıan Martıns penaltı sheshti.
Segizinshi týrdaǵy alǵashqy oıyn kúninen keıin «Astana» 20 upaımen kósh basynda tur. Odan keıingi oryndardaǵy «Tarazdyń» 17, «Tobyldyń» 15 upaıy bar.
Al 29 sáýirde «Jetisý» (Taldyqorǵan) men «Shahter» (Qaraǵandy), «Qaırat» (Almaty) pen «Ordabasy» (Shymkent), «Qaısar» (Qyzylorda) men «Qyzyljar» (Petropavl) komandalary sheberlik baıqasady.
Foto: vk.com/tarazfc
