Fýtboldan Qazaqstan birinshiligi: «Shahter» men «Qaısar» teń tústi
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń toǵyzynshy týry máresine jetti, dep habarlaıdy QazAqparat tilshisi.
Bul týrdaǵy sońǵy oıynda Qaraǵandynyń «Shahter» jáne Qyzylordanyń «Qaısar» komandalary sheberlik baıqasty. Kezdesý elordada tórindegi «Astana-Arena» stadıonynda boldy. Sebebi, kenshiler qalasyndaǵy stadıon ázirge oıyndy qabyldaýǵa daıyn emes.
Kezdesý barysynda qaraǵandylyq ujym saýatty qımyl kórsetýge tyrysty. Eki komanda bir-birine kóbirek shabýyl jasaýǵa kóńil bóldi.
Nátıjesinde «Shahter» fýtbolshysy Vıtalıı Balashov 7-mınýtta mergendigimen kózge tústi. Budan keıin qos komanda tarapynan esepti ózgertetin birneshe múmkindik bolǵan edi.
Ekinshi kezeńniń 81-mınýtynda Evgenıı Pavlov óziniń qaqpasyna gol soǵyp aldy. Osylaısha tarazy basy teńesti. Atalǵan kezdesýde komandalar 1:1 esebine qanaǵat bildirdi.
Toǵyzynshy týrdaǵy ózge oıyndarda «Astana» syrt alańda «Aqtóbeni» 2:0, «Atyraý» óz alańynda Aqtaýdyń «Kaspııin» 2:1 esebimen tize búktirdi. Al «Tobyl» Qostanaıda «Tarazdy» 3:0 esebimen jeńse, «Qaırat» Petropavlda «Qyzyljarmen» 1:1 esebimen teń tústi.
Aldaǵy týr oıyndary 8 jáne 9 mamyr kúnderine belgilengen. Aldymen 8 mamyrda «Qaırat» pen «Shahter», «Kaspıı» men «Ordabasy», «Qaısar» men «Aqjaıyq», «Taraz» ben «Astana» komandalary kezdesedi. Al 9 mamyrda «Jetisý» men «Aqtóbe», «Tobyl» men «Atyraý», «Turan» men «Qyzyljar» jasyl alańǵa shyǵady.
Ádiljan Úmbet.
