Fýtboldan Qazaqstan birinshiligi: «Ordabasy» tórtinshi orynǵa kóterildi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on segizinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Búgingi úshinshi oıynda Shymkentte «Ordabasy» óz alańynda Taldyqorǵannyń «Jetisýyn» qabyldady. Atalǵan kezdesýde alań ıeleri jeńiske jetý jolyn izdedi.
Nátıjesinde 13-mınýtta shymkenttik klýbtan Sergeı Hıjnıchenko esep ashty. Kelesi kezekte Mırzad Mehanovıch 44, 68-mınýttarda mergendik tanytyp, qos goldyń avtory atandy. Osylaısha «Ordabasy» qarsylasynan 3:0 esebimen basym tústi. Sol arqyly shymkenttik klýb týrnır kestesinde tórtinshi orynǵa kóterildi.
Aıta keteıik, búgin atalǵan týrda taǵy eki kezdesý ótkizildi. Petropavlda «Qyzyljar» men elordalyq «Astanany» 3:2 , Qaraǵandynyń «Shahteri» óz alańynda «Aqtóbeni» 1:0 esebimen tize búktirdi.
Qalǵan tórt oıyn erteń, 28 maýsymda bolady. Bul kúni «Aqjaıyq» pen «Taraz», «Tobyl» men «Qaırat», «Kaspıı» men «Turan», «Atyraý» men «Qaısar» jasyl alańǵa shyǵady.
