Fýtboldan Qazaqstan birinshiligi: «Qyzyljar» «Kaspııden» basym tústi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on birinshi týrynda besinshi oıyn aıaqtaldy, dep habarlaıdy QazAqparat tilshisi.
Bul joly Petropavldyń «Qyzyljary» óz alańynda Aqtaýdyń «Kaspıı» komandasymen kezdesti.
Eki komanda arasyndaǵy oıyn tartysty órbidi. Ekeýi de shabýyl shebinde jıi boı kórsetti. Dese de alań ıelerine sáttilik serik boldy.
Oıynnyń 21-mınýtynda «Qyzyljar» oıynshysy Danılo Alves Almeıda mergendigimen kózge tústi. Al 53-mınýtta onyń komandalas áriptesi Tımýr Mýldınov esepti ústemeleı tústi. Kezdesýde petropavldyq komanda qarsylasynan 2:0 esebimen basym tústi.
Esterińizge sala ketelik, buǵan deıin atalǵan týrdyń alǵashqy oıyn kúninde tórt match ótkizildi. «Turan» syrt alańda qaraǵandylyq «Shahterdi», odan keıin óz alańynda Oraldyń «Aqjaıyǵy» Almatynyń «Qaıratyn», elordalyq «Astana» Taldyqorǵannyń «Jetisýyn» 1:0 esebimen jeńse, «Aqtóbe» men «Qaısar» 1:1 esebimen teń tústi.
Endi búgin, 15 mamyrda «Ordabasy» (Shymkent) men «Tobyl» (Qostanaı) komandalary sheberlik baıqasady. Atalǵan týrdy «Atyraý» jáne «Taraz» kezdesýi túıindeıdi.
