Fýtboldan Qazaqstan birinshiligi: Klýbtar eki aıǵa úziliske shyqty
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 19-týry máresine jetti, dep habarlaıdy QazAqparat tilshisi.
Atalǵan týrdaǵy sońǵy kezdesýde «Taraz» óz alańynda Aqtaýdyń «Kaspıı» komandasyn qabyldady.
Eki komandanyń da jeńiske jetý múmkindigi boldy. Dese de alań ıeleri úsh upaıdy oljalap ketti. Ony 56-mınýtta Pedro Eýjenıo óziniń enshisine jazdy.
Aıta keterligi, tarazdyqtar on oıynǵa sozylǵan sátsizdikter serııasyn toqtatyp, jeńiske jetti. Al aqtaýlyq fýtbolshylar tórt kezdesýde nebári bir upaıǵa qoly jetti.
Aıta ketsek, atalǵan týrda 2 shildede úsh oıyn ótkizilip, «Qaırat» «Atyraýdy» 5:0, «Astana» «Shahterdi» 4:3, «Aqtóbe» «Aqjaıyqty» 2:1 esebimen jeńdi.
Odan keıin 3 shildede «Jetisý» men «Qyzyljar» 0:0 esebimen teń túsip, «Qaısar» «Ordabasyny» 1:0 esebimen jeńse, «Turan» «Tobylǵa» 2:4 esebimen ese jiberdi.
Atalǵan týrdan keıin «Tobyl» 35 upaımen kósh bastap tur. Odan keıingi oryndardaǵy «Astananyń» 41, «Qaırattyń» 37 upaıy bar.
Eske salsaq, el birinshiliginde 20 qyrkúıekke deıin úzilis jarııalandy. Bul aralyqta Qazaqstan kýbogy oıyndary ótkiziledi.
