Fýtboldan Qazaqstan birinshiligi: «Qaısar» besinshi márte jeńildi
NUR-SULTAN. QazAqparat - Búgin, 29 sáýirde fýtboldan Premer-lıga komandalary arasyndaǵy el birinshiliginiń cegizinshi týry máresine jetti, dep habarlaıdy QazAqparat tilshisi.
Atalǵan týrdaǵy ekinshi oıyn kúninde úsh kezdesý ótti. «Jetisý» (Taldyqorǵan) men «Shahter» (Qaraǵandy) komandalary arasyndaǵy kezdesý taǵdyryn jalǵyz gol sheshti. Ony 33-mınýtta taldyqorǵandyq Rafhat Aslan óziniń qaqpasyna soǵyp aldy. Osylaısha «Jetisý» qarsylasyna 0:1 esebimen jol berdi.
Taǵy bir kezdesýde Almatynyń «Qaıraty» óz alańynda Shymkenttiń «Ordabasy» klýbyn 3:0 esebimen tize búktirdi. Alań ıeleri sapynan Aderınsola Eseola 61, Shtrelı Mamba 88, Hose Kante 94-mınýttarda óziniń enshisine jazdy.
Al Qyzylordanyń «Qaısary» óz alańynda Petropavldyń «Qyzyljarynan» 1:2 esebimen jeńildi. Qyzylordalyq Armen Keńesovtiń 32-mınýtta soqqan golyna petropavldyq fýtbolshylar qatarynan Álibek Qasym 38, Danılo Alves Almeıda 51-mınýttarda eki golmen ajýap qaıyrdy.
Esterińizge sala ketelik, 28 sáýirde «Tobyl» syrt alańda «Kaspııden» 1:2 esebimen jeńilce, «Astana» óz alańynda «Aqjaıyqtan» 1:0 esebimen basym tústi. «Taraz» «Aqtóbeni» 3:1 esebimen súrindirip, Túrkistanda «Turan» «Atyraýdan» 1:2 esebimen jeńilip qaldy.
Segizinshi týrdan keıin «Astana» 20 upaımen kósh bastasa, odan keıingi oryndardaǵy «Tarazdyń» 17, «Qaırattyń» 15 upaıy bar.
Toǵyzynshy týr oıyndary 2 jáne 3 mamyr kúnderi ótkiziledi.
