Fýtboldan Qazaqstan birinshiligi: «Qaırat» pen «Tobyl» kósh basyna shyqty
NUR-SULTAN. QazAqparat - Búgin, 17 naýryzda fýtboldan Premer-lıga komandalary arasyndaǵy Qazaqstan birinshiliginiń úshinshi týrynda alty oıyn ótti, dep habarlaıdy QazAqparat tilshisi.
Ótken jylǵy el chempıony Qostanaıdyń «Tobyl» komandasy óz alańynda Petropavldyń «Qyzyljar» komandasyn 2:0 esebimen tize búktirdi.
Al «Astana» elordada «Aqtóbeden» 2:0 esebimen aılasyn asyryp ketti.
Byltyr úzdik úshtikte bolǵan Almatynyń «Qaıraty» men «Taraz» kezdesýinde 1:1 esebi tirkeldi.
«Atyraý» óz alańynda Túrkistan oblysynyń «Maqtaralyn» 2:1, Shymkenttiń «Ordabasy» klýby Oraldyń «Aqjaıyǵyn» 2:0 esebimen tize búktirdi.
Taǵy bir kezdesýde «Turan» (Túrkistan) «Kaspıı» (Aqtaý) komandasyna 0:1 esebimen jol berdi.
Eske salsaq, atalǵan týrdaǵy «Shahter» (Qaraǵandy) men «Aqsý» (Pavlodar oblysy) arasyndaǵy kezdesý aýa raıynyń qolaısyzdyǵyna baılanysty keıinge shegerildi.
Kósh basynda jeti upaımen «Qaırat», «Tobyl» jáne «Kaspıı» komandalary keledi.
