Fýtboldan Qazaqstan birinshiligi: «Qaırat» «Astanadan» jeti upaıǵa qalyp qoıdy
NUR-SULTAN. QazAqparat - Fýtboldan Premer-lıga komandalary arasyndaǵy el birinshiligi toǵyzynshy týrynda Almatynyń «Qaıraty» syrt alańda Petropavldyń «Qyzyljarymen» teń tústi, dep habarlaıdy QazAqparat tilshisi.
Búgin atalǵan týrdyń ekinshi oıyn kúni ótip jatyr. Jalpy barlyǵy tórt kezdesý belgilengen.
«Qaırat» oılamaǵan jerden taǵy da upaı joǵaltty. Oıynnyń 28-mınýtynda almatylyq Denıs Polıakov esep ashqan edi. Oǵan 78-mınýtta petropavldyq Álibek Qasym bir golmen jaýap qaıyryp, tarazy basyn teńestirip ketti. Osylaısha kezdesý 1:1 esebimen teń aıaqtaldy.
Nátıjesinde týrnır kestesinde 16 upaımen «Qaırat» chempıondyqtan basty úmitker komandanyń biri - «Astanadan» jeti upaıǵa qalyp qoıdy. Keshe elordalyqtar syrt alańda «Aqtóbeden» 2:0 esebimen basym túsken bolatyn.
Odan keıin «Atyraý» óz alańynda Aqtaýdyń «Kaspııin» 2:1 esebimen tize búktirdi.
Úshinshi kezdesýde «Tobyl» «Tarazdy» 3:0 esebimen jeńdi.
Sondaı-aq, búgin atalǵan týrda «Ordabasy» (Shymkent) men «Turan» (Túrkistan), «Aqjaıyq» (Oral) pen «Jetisý» (Taldyqorǵan), «Shahter» (Qaraǵandy) men «Qaısar» (Qyzylorda) sheberlik baıqasady.
